Зөгийн бал, нимбэгтэй цай

Ханиадны улиралд зайлшгүй хэрэгцээтэй ундаа

Өвлийн улиралд хамгийн түгээмэл хэрэглэдэг хослол бол нимбэгтэй цайнд зөгийн бал хийх явдал юм. Нэг аяга бүлээн цай (хар эсвэл ногоон цай) бэлдээд, хагас нимбэгний шүүс шахаж, 1-2 халбага зөгийн бал хийгээд хутгана. Халуун усанд бал хийвэл витаминууд нь зарим талаар алдагдаж болох тул бүлээн байхад нь нэмэх нь зөв.

Энэ ундааны ач тус маш их

Нимбэгний С витамин дархлааг сэргээж, ханиад, томууг намдаана. Зөгийн бал нь бактерийн эсрэг үйлчилгээтэй тул хоолойн өвдөлтийг багасгаж, цэр ховхолно. Монголчууд эртнээс ханиад томуунд балтай бүлээн ус эсвэл цай уудаг уламжлалтай. Өдөрт 2-3 аяга уувал биеийн хоргүйжүүлэлтэд тусална, арьс сайжирч, стрессийг бууруулна. Гэхдээ ходоодны хүчил ихтэй хүмүүс болгоомжтой хэрэглээрэй – нимбэг хүчиллэг тул.